TURLI XIL PUBLITSISTIK JANRLARDAGI ANTROPOMORFIK METAFORALARNING IFODALANISHI
Keywords:
antropomorfik metafora, publitsistik matn, kognitiv-pragmatik tahlil, semantik funksiyalar, stilistik xususiyatlar, kommunikativ maqsad, ijtimoiy ong, publitsistik diskurs.Abstract
Mazkur maqolada o‘zbek publitsistik matnlarida qo‘llanilayotgan antropomorfik metaforalarning kognitiv va pragmatik imkoniyatlari tahlil qilingan. Tadqiqotda antropomorfik metaforalar insonning tana a’zolari, harakatlari, hissiyotlari kabi xususiyatlarning boshqa obyektlarga ko‘chirilishi orqali publitsistik matnlarning ta’sirchanligi va kommunikativ funksiyalarini oshirishdagi roli o‘rganilgan. Maqolada kognitiv va pragmatik tahlil usullari yordamida metaforalarning semantik, stilistik va ijtimoiy funksiyalari aniqlanib, ularning o‘zbek tilidagi publitsistik janrlardagi o‘ziga xos xususiyatlari yoritilgan. Iqtisodiy, siyosiy, madaniy, sport va tibbiyot sohalaridagi publitsistik matnlarda qo‘llanilgan metaforalar tahlili orqali ularning jamoatchilik fikrini shakllantirish va ijtimoiy ongga ta’sir qilishdagi samaradorligi ko‘rsatib berilgan.
