PUXTA BILIM - KORRUPSIYAGA QARSHI KUCH

Abstract

Korrupsiya bu jamiyatni turli yo’llar bilan iskanjaga oladigan daxshatli illat hisoblanadi. Korrupsiya bor joyda jamiki yomon illatlar avj ola boshlaydi. Masalan: qonun ustuvorligi buziladi, insonlarni tinch hayotiga tahdid soluvchi ko’plab jinoyatlar va hattoki terrorizm ham avj olishi hech gap emas. Shunga qaramasdan korrupsiya hozirda yer yuzini deyarli barcha mintaqasida uchraydi. Tarixga nazar soladigan bo’lsak, korrupsiyani boshlang’ich o’chog’i birlamchi qabilalar vujudga kelgan davrga borib taqaladi. Bu hol qabilada ma’lum mavqega ega bo‘lish uchun qabila sardorlariga sovg‘alar berish odatidan kelib chiqqan deb taxmin qilinadi. O‘sha davrlarda bu odatiy holat sifatida qabul qilingan. Lekin davrlar mobaynida bu illat rivojlanib, avj olib kelmoqda. Korrupsiyaga qarshi kurashgan birinchi davlat sifatida qadimgi Shumer davlati tan olinadi. Qadimgi davlatlarni ayniqsa huquqni muhofaza qiluvchi organlarning poraxo‘rligi qattiq tashvishga solganligi bizgacha saqlanib qolgan manbalardan ma’lum. Chunki bu holat davlatning obro‘siga juda qattiq putur yetkazardi. Dunyoning yetakchi dinlarida ham birinchi navbatda huquqni muhofaza qiluvchi organlarning poraxo‘rligi qattiq qoralanadi.