ЁШЛАРНИНГ НИКОҲ ВА ОИЛАГА МУНОСАБАТИНИ ЯНАДА ИНСОНПАРВАРЛАШТИРИШ МУАММОЛАРИ.

Abstract

Ёшларнинг турмуш ўртоғи тўғрисидаги идеалларини шакллантиришга алоҳида эътибор бериш мақсадга мувофиқ. Тўғри, мазкур идеаллар оилавий тарбия давомида, оила психологиясига бағишланган назарий ва амалий машғулотларда маълум тарзда шакллантирилмоқда. Бироқ бу идеал турмуш ўртоғининг ташқи қиёфаси, рўзғор юритиш малакаси хусусидаги умумий мулоҳазалар билан чекланиб қолаяпти. Бўлғуси турмуш ўртоғининг маънавий қиёфаси, хусусан маданий савияси, маълумоти даражаси, интеллектуал салоҳияти аксарият ҳолларда эътибордан четда қолади. Ваҳоланки, ушбу идеал турмуш ўртоғини танлашга, келгусидаги оилавий муносабатлар характерига, шахс демографик фаолиятига жиддий таъсир ўтказади.