FIZIK JARAYONLARNI MODELLASHTIRISHDA AKT DAN FOYDALANISH

Abstract

Hozirgi kunda mamlakatimiz oldida turgan eng muhim va dolzarb vazifalardan biri bu o‘sib kelayotgan yosh avlodni tarbiyalash va ularga imkon darajasida yangi texnologiyalar bilan ishlashni o‘rgatishdir. Biz bilamizki oxirgi yillarda butun dunyo rivojlanish yo‘lida bir-birini ortda qoldirmoqda, shu bilan birgalikda bizning O‘zbekistonimiz ham rivojlanayotgan davlatlardan ortda qolayotgani yo‘q.Yosh avlodning ilmiy va hayotiy dunyo qarashini kengaytirish o‘qitish jarayoniga qo‘shib olib boriladigan zarur pedagogik jarayondir. Bunga erishmoq uchun fanlarni I darajali yoki II darajali fanlar toifasiga ajratmasdan, balki bu fanlarning jamiyatimiz taraqqiyotiga qo‘shayotgan hissasiga asosan, kundalik turmushimizdagi bu fanlarga ehtiyojimiz asosida fanlarni bir-biriga uzviy bog‘liq holda, kompleks ta’limni joriy etish uchun kurashmoq zarur. Jamiyatimizning yuksak darajada rivojlanishi, ilmiy-texnik taraqqiyotini e’tiborga olgan holda, ta’lim sistemasini uzluksiz ravishda takomillashtirishni hamda mutaxassislarning umumta’lim darajasini keskin oshirishni taqozo etadi.