JINOYAT ISHLARINI TERGOV QILISHDA AXBOROT TEXNOLOGIYA VOSITALARIDAN FOYDALANISHNING PROTSESSUAL JIHATLARI

Abstract

Yurtimizda “Fuqarolar emas hujjatlar harakatlanadi”1 nomli tamoyil kundan kunga rivojlanib davlat organlari va boshqa tashkilotlarda inson omilini keskin kamaytirib elektron hujjatlar bilan ishlash doirasini jadallik bilan kengaytirmoqda desak mubolag‘a bo‘lmaydi. O’zbekiston Respublikasi prezidenti Sh.Mirziyоyev tomonidan 2018-yil 14-mаydа “Jinоyаt vа jinоyаt-prоtsessuаl qоnunсhiligi tizimini tubdаn tаkоmillаshtirish сhоrа-tаdbirlаri tо‘g‘risidа”gi PQ-3723-sоnli qаrоrida jinоyаt vа jinоyаt-prоtsessuаl qоnunсhiligida mavjud bo’lgan bir qator kamchiliklarga to’xtalib o’tilgan, xususan, “Elektron jinoyat ishi” loyihasini takomillashtirish orqali jinoyat ishlari bo‘yicha ish yurituvni elektron shaklda yuritish va protsessual harakatlarni amalga oshirish vaqtida surishtiruv organlarining prokuratura organlari, sudlar va jazoni ijro etish organlari, shuningdek, boshqa tashkilotlar bilan ma’lumotlar almashinuvi imkoniyatini beruvchi himoyalangan tizimni, jumladan axborot tizimlari va ma’lumotlar bazalarini integratsiya qilish, jinoyat ishlari bo‘yicha statistika yuritishni avtomatlashtirish orqali joriy qilish, jinoyat ishlari bo‘yicha surishtiruv amaliyotida jinoyat-protsessual hujjatlarining yagona elektron shaklini ishlab chiqish, protsessual harakatlarni amalga oshirish tartiblarini, jumladan elektron shaklda sanksiyalar olish orqali soddalashtirish bo’yicha alohida topshiriqlar berib o’tilgan. Ushbu qaror ijrosini ta'minlash bo‘yicha ham bir qator ishlar amalga oshirilmoqda va jinoyat protsessual kodeksiga bir qancha o‘zgartirishlar kiritilgan.