TARBIYA – ZIROATGOH, HOSILI – BILIM JADID PEDAGOGIKASIDA “TURKIY GULISTON YOXUD AXLOQ” ASARI

Abstract

Abdulla Avloniyning «Turkiy Guliston yoxud axloq» asari, oʻzbek pedagogikasining tarbiya bobidagi eng koʻp murojaat qilinadigan asarlaridan biridir. Bu asar Avloniyning nafaqat oʻz davridagi, balki bugunning yoshlarini ham yangicha yoʻnalishda oʻqitish va milliy ruh asosida tarbiyalashda katta ahamiyatga ega boʻlgan, pedagogik xususiyatga ega namunalardan biridir. Asarning mazmuni yoshlarni ma’rifatga chorlash, axloqiy qadriyatlarni oʻrgatish, sharqona, koʻp milliy an’analarimiz ruhidagi tarbiya ishlarining yoʻl-yoʻriqlarini talqin etishga asoslangan. Unda vatanparvarlik, ma’rifatparvarlik va milliy ozodlik taronalari alohida oʻrin tutadi. Uning deyarli barcha asarlarida ilm-marifatga e’tiborsizlikni qoralab, ma’rifatli va ilmli boʻlishga targʻib qiladi va bu, har bir xalqning taqdiri va taraqqiyotini belgilab berishini e’tirof etadi. Asarda «Axloq», «Tarbiya», «Yaxshi xulqlar», «Yomon xulqlar» deb nomlangan mavzular hayotiy misollar yordamida keng yoritilgan boʻlib, ushbu maqolamiz orqali undan “Tarbiya” fani darsligi sifatida yanada kengroq foydalanishimiz mumkinligi asoslanadi.