TAKOMILLASHTIRISHNING NAZARIY ASOSLARI

Abstract

Yurtimizda yangi zamonaviy ta’lim tizimiga boshqaruvning yangi tamoyillarini joriy etish, ta’lim muassasalarini zimmasiga yuklangan vazifalarni yuqori professional darajada bajarishga qodir rahbar va pedagog kadrlar bilan ta’minlash, rahbar va pedagog kadrlarini tayyorlash, qayta tayyorlash va malakasini oshirishning Uzluksiz tizimini tashkil etish va takomillashtirish, professional ta’lim muassasalari rahbarlarini kasbiy mahorati sifati va darajasini muntazam oshirib borishning huquqiy-meyoriy asoslari yaratildi va moddiy-texnik bazasi kengaytirildi. Professional ta'lim muassasalari boshqaruv samaradorligini oshirishning nazariy va jihatlari ko‘proq rahbarning faoliyati bilan bog‘liq. Eng avvalo “rahbarlik” atamasiga to‘xtalib o‘tsak, rahbarlik ishning ko‘zini biladigan, kasbiga qalb qo‘ri va butun mehrini berib, o‘zi, oilasi va butun el-yurtni o‘ylab mehnat qiladigan, boshqaruv faoliyatini jon dildan seva olgan kishiga nisbatan ishlatilishi mumkin. Aslini olganda rahbarlik yuksak aql-farosat, ko‘p kuch-g‘ayrat, izlanish va topqirlikni, o‘z ustida tinmay ishlashni hamda o‘rni kelganda, zaruriy tadbirkorlikni talab qiladi.