ONA TABIAT VA UNING BOYLIKLARI, NOYOB O‘SIMLIK VA HAYVON TURLARI DAVLAT NAZORATIDA

Abstract

Bizni qamrab turgan tabiat va uning boyliklaridan oqilona foydalanishga, inson manfaatlarini ko‘zlagan holda ongli ravishda o‘zgartirishga, tabiat boyliklari va umuman tabiatni, uning go‘zalligini saqlab qolishga va yanada boyitishga qaratilgan barcha tadbirlar majmuasi tabiatni muhofaza qilish hisoblanadi. Insoniyat jamiyati paydo bo‘libdiki tabiiy boyliklardan har-xil maqsadlarda foydalanib keladi. Natijada o‘simlik va hayvonot olamining sezilarli darajada kamayib borishiga, hattoki ayrim turlar sonining yo‘qolib ketish havfi yuzaga kelmoqda. Bu esa hozirgi kunga kelib, tabiatni tegishlicha muhofaza qilishni taqozo etadi. Maqolada tabiiy boyliklarni, o‘simlik va hayvonot olamining xilma-xilligini asrash borasida mamlakatimizda qo‘riqxonalar, buyurtma qo‘riqxonalari, biosfera rezervati, milliy tabiat bog‘lari, pitomnik, tabiat yodgorliklari tashkil etilgan bo‘lib noyob va yo‘qolib ketish xavfi ostidagi o‘simlik va hayvonot dunyosini muhofaza qilish, ularning yo‘q bo‘lib ketish xavfi ostida qolganlarini saqlab qolish hamda ko‘paytirishdek davrimiz uchun o‘ta dolzarb muammolarni hal etishdagi muhim o‘rni haqida fikr boradi.